દીવે દીવો પ્રગટાવી , તું કર અજવાળું.
ઉરમાં ઉજાશ ફેલાવી તું કર અજવાળું.
મેઘધનુષિ સપનાઓને સાથે રાખી ,
તોરણિયાં બંધાવી , તું કર અજવાળું.
અંધારી રાતે આભે ચમકે તારલિયાં ,
ચાંદા જેવું સ્મિત રેલાવી, તું કર અજવાળું.
જીવન લાગે ખાલી ખાલી ઘરના જેવું ,
ઝગમગ દિવડાં પેટાવી, તું કર અજવાળું.
કાયા મારી લાગે જૂની જૂની વ્હાલમ,
વાઘા આજ નવા પ્હેરાવી, તું કર અજવાળું.
**વિસ્મય ! શૈલેષ ચૌહાણ...*
No comments:
Post a Comment