ગઝલ

દર્શન તમારા આ વદનનું દુઃખભંજક છે
ને નેહ ભરી નજર તો સ્નેહ નું અંજન છે

ને કાફલા કઈક અરમાનોના એક સાથે
ડૂબી જાય એવા ગાલના આ ખંજન છે

આવશ્યકતા સ્વર્ણ શૃંગારની ક્યાં છે હવે
ખુદ રૂપ તમારું સાદગીમાં એક કુંદન છે

હવે આ એક દિવસનો તમાશો તો નથી
તમારી સાથે જન્મોજન્મોનું મનોરંજન છે

એક સ્વપ્ન સમ હતો મુજ પ્રણય પ્રસ્તાવ
હવે અંતરના અહેસાસનું સાચું સ્પંદન છે

દુઃખ અને સુખ ની હવે વાત જ ક્યાં રહી
જ્યાં હવે આઠે પ્રહર આનંદ જ આનંદ છે

હવે સૂર તો મળી ગયો બંનેનો એકબીજામાં
આ સાંભળો કેવું મજાનું ગજબનું ગુંજન છે

જો નિયંત્રણ રાખી શકું તો ખામી છે મુજમાં
"પરમ"નેય "પાગલ' કરે એવું આ જોબન છે

ગોરધનભાઈ વેગડ (પરમ પાગલ)