શું આ તારો ધારદાર આત્મવિશ્વાસ જ છે ?
જો હા હોય તો અસર છે તારી આ નજરમાં
હર જવાબ છે તારા જ હર એક સવાલ મહીં
તારી નફરતમાંય લાગણી છૂપી છે અસરમાં
પ્રેમની કસોટી થઇ જીવનના રણવગડામાં
મળ્યા મૃગજળના આ ઝરણાં સામે તરસમાં
ખોવાવું ખાલીપામાં ખુદને અકબંધ રાખી
ને પછી ફેલાવું બંધ આંખે એકલું અંનતમાં
લાગણીનાં વહેણમાં એમ ખેંચી ગયા મુજને
જિંદગી જ દીધી નવી ડૂબાડી પ્રેમ પ્રવાહમાં
હવે ઉગરવાનો આરો ગોતું ક્યાં હું મઝધારે?
જ્યારથી ખોવાયો હું કોઈના નૈન સાગરમાં
ફેંદી વળ્યો સાત સાત સમંદર સુખ-શોધમાં
ને ગીત સુરીલું ઉઠ્યું ગમગીનીની ગાગરમાં
સારેગમ પાર પહોંચ્યો મનખો નીરવતામાં
ને રણકાર આ કેવો ખામોશીના ઝાંઝરમાં
ભાર આ "પરમ" રૂદિયાનો થયો નિર્ભાર હવે
એક અનુભવે મુજને કર્યો "પાગલ"પળવારમાં
ગોરધનભાઈ વેગડ (પરમ પાગલ)
No comments:
Post a Comment