જીવ તાળવે
આ જમણે ફુગ્ગાઓને કોણ ભરે છે હરિયા?
આ ડાબી બાજુ લબડબ કોણ કરે છે હરિયા?
આ બબ્બે સૂરજ સળગાવ્યા કોણે આંખોમાં?
આ બંધ બારણે ધબધબ કોણ ફરે છે હરિયા?
આ વાંસવન મહીં વાંસળીઓ ખોડી છે કોણે?
વીંધી વાંસળી સનનન કોણ સરે છે હરિયા?
આ પાંપણના બંધોના દરવાજામાં થઇને
શ્રાવણ ને ભાદરવો કેમ ઝરે છે હરિયા?
બાવન બારી બંધ કરી પૂર્યો જેને એ
જીવ તાળવે ચોંટયો કોણ હરે છે હરિયા?
- હરિ શુક્લ
૧૮ ૦૫-૨૦૧૬ / ૦૮-૦૫-૨૦૧૮
No comments:
Post a Comment