આ સૂર્યકિરણનું ઝાકળના પ્રેમમાં પડવું સાવ છળ હોય
ને અંધારાનું પડછાયાના પ્રેમમાં પડવું પણ સાવ છળ હોય
રૂહનું વલણ આ હવાની લહેરખીઓ જેવું અસ્તિત્વમાં
ને એ એને એમ સમજે કે કદાચ આ પણ સાવ છળ હોય
તારી યાદોના રણમાં હાંફતી બે શ્વાસો વચ્ચે એક અમર આશ
મિલનની ક્ષિતિજે એ પણ ઝાંઝવા જેવું જ સાવ છળ હોય
એ આવ્યા છે એવો એક ભાસ આ ધુંધલકામાં મને સતત
મારા જ આયનામાં મારા જ અક્સ જેવું પણ સાવ છળ હોય
હવે તો ક્યાં કોઈ ફરિયાદ રહી મને એના નામની"પરમ"
ને એના"પાગલ"અફસાનામાં મારું હોવું પણ સાવ છળ હોય
- ગોરધનભાઈ વેગડ (પરમ પાગલ)
ઘરમાં ખીલેલા ગુલાબ રાખો
જીવવાનો એવો રૂઆબ રાખો
ખૂશ્બુ બનીને ફેલાવું જ હોય
તો પંખૂડીઓમાં પરાગ રાખો
કોઈની આંખોમાં દેખાય તરસ
તો આંખોમાં થોડી શરાબ રાખો
એક વાદળીને વરસવું જ પડે
વલણમાં એવું સરાબ રાખો
સદા સુખનું મૂલ્ય સમજવા
સહજ સ્મિતમાં અજાબ રાખો
"પરમ"હાર પચાવતા પહેલા
ભીતર"પાગલ"કસાબ રાખો
ગોરધનભાઈ વેગડ (પરમ પાગલ)
No comments:
Post a Comment