🍀🍀🍀🍀🍀🍀🍀🍀🍀🍀🍀
સોળમા કટકનો હૂમલો
નીસરતું વીંધીને પાર એવી
ચૂંદડીની લ્હેર પાસે સાગરિયો થૂંઈ,
જયારે સોળમું કટક કરે હૂમલો....
ચશ્માની પાર જઈ ચહેરાઓ ચોકમાં
ટોળું થઈ જાય;
વર્તુળમાં ફરતાં એ તળિયાને તાગવા
ડૂબકિયું ખાય.
ભીંજાતો રસભીનો ટપકતો કોસ
એવી ખૂલબંધ ઈચ્છાનાં વહાણ જેવુંં મૂંઈ !
જ્યારે સોળમું કટક કરે હૂમલો....
ભાંગેલી રાતમાં અંધારે ઉજાશની
દોમદોમ સાયબી હજાર.
લંબાતી જાય સાત પાતાળે પૂગે
તોય શિખરનો ભાર.
આંખ્યું નોતરાય પછી હૈયું ખેંચાય પછી
તળ લગ ગડથોલું ખાય એવું ફૂલ ખીલે જૂઈ,
જ્યારે સોળમું કટક કરે હૂમલો.....
ડૉ. ભાવેશ જેતપરિયા
🍀🍀🍀🍀🍀🍀🍀🍀🍀🍀🍀
No comments:
Post a Comment