ગઝલ

Dedicated to someone special
.
રૂપાળી એક નમણી નાર છે, એનો જનમ દિન છે,
ને કાયા જેની કામણગાર છે, એનો જનમ દિન છે.
.
ગુલાબી ગાલ એના ને હસે તો ફુલ હો ઝરતા,
ને જેના હોઠ તો ગુલઝાર છે, એનો જનમ દિન છે.
.
લચકતી ચાલ એની ને, નયન જાણે સુરાહી છે,
રે જેના કેશ રેશમતાર છે, એનો જનમ દિન છે.
.
ગમે વાતો બધી એની અને સાથે ગમે એપણ,
જે લાગે રૂપ નો અંબાર છે, એનો જનમ દિન છે.
.
બધા ને હું જણાવું આજ કે કોની કરું છું વાત,
અરે જે "મિત્ર" ની દિલદાર છે, એનો જનમ દિન છે.
.
રાકેશ રાઠોડ "મિત્ર"