જરા પણ વિચારો તમારા ન આવે ;
તમોને વિચારો અમારા ન આવે .
નયનમાં હતા જે ભરોસા વફાના ;
કદી ઘાવ પાછળ દુબારા ન આવે .
કહી દો ગગનમા ગણું તારલા હું ;
નજરમાં ફરી એ ગુબારા ન આવે ;
ગુલાબી વદનને નજરથી ઢળેલી ;
મળી છે મઝા કે હતાશા ન આવે .
મહોબત કરી લો મુસીબત ભલે હો ;
યુવાની જશે તો નજારા ન આવે .
અહીં રાત આખી રડયો એટલે છું ;
સિતારા અહીં એકધારા ન આવે .
મઝાના હશે ત્યાં હિસાબો ખુદાના ;
ગયા તો પછી એ જનારા ન આવે .
- રાણા બાવળિયા
No comments:
Post a Comment