આજ અચાનક મનનાં દ્વારે દૂર દૂરથી ટહુક્યું કોણ?
જોઈ જેને ઘાયલ થયા, એવા સ્મિતે મલક્યું કોણ?
પડછાયામાં શોધું જેને ,એવું અંધારામાં ચમક્યું કોણ?
ઊંચા ઓલા આભમાં ,ચાંદલિયા સાથે ટમકયુ કોણ?
શ્વાસે -શ્વાસમાં મારા આમ ગીત બનીને ગૂંજ્યું કોણ?
હતું આ મન વિરાન એમાં સંગીત બનીને ગૂંજ્યું કોણ?
અજાણ હતી આ રસ્તાની , મંઝીલ બતાવી ગયું કોણ?
ન’તી જાણતી શું છે પ્રેમ? ,પ્રીતિ સમજાવી ગયું કોણ?
રહસ્યમયી રીતે આમ મારા હોઠે હસ્યું કોણ ?
મને જ જણાવ્યા વગર મારા હૃદયે વસ્યું કોણ?
-Shabnam
No comments:
Post a Comment