ગીત....
આ દરિયું -બરિયું શું સમજે છે મનમાં એના.....
હાળું સાવ બાયલું, નકટું નફ્ફટ નાલાયક છે, એની જાત બળે રે,
ફીણ ફીણ થઇ ફૂટે ફટકડું, ઊંચું-નીંચું થાય અમસ્તુ પળે પળે રે...
કપડાં બપડાં પલાળતુ એ જેના તેના?
આ દરિયું-બરિયું શું સમજે છે મનમાં એના.....
ખોટાડું નખરાળું નખ્ખોદિયું દીવથી સોમનાથ લગ હડિયું કાઢે
કોઇ માંઇનો લાલ નથી શું જે એનાં પરપોટાં તોડી, મારે ટાઢ્યે....
તમને એ હેરાન કરે મારે શું છે લેના -દેના...
આ દરિયું -બરિયું શું સમજે છે મનમાં એના...
- અનિલ વાળા
No comments:
Post a Comment