કોઇ પોતિકો મળે....
દેખાવ કરવા ઘણાં મળે,
ને મળવા ખાતર મળે;
ખોટાં જુઠ્ઠા વ્હાલપનાં,
મીઠાં શ્બ્દો છળે.
ફરિયાદ કયાં જઇને કરું?
વાડ ચીભડાં ગળે;
પોતાના જાણ્યા'તા એ સૌ
સમય જોઇને વળે.
સત્યતો ભર બજારે ઊભું
જૂઠ બધે ઝળહળે;
ઓટ આવતા કોરા કાંઠા,
કંકર બધે ખળભળે.
યાદ નથી કે કોણે દીધા
ઘાવ, ના કળવળે;
મિલન કાજે થાય સવાલ
કેમે કરી દર્દ ટળે?
રૂપમાં આજ મોહીં ગયા,
શ્યામ વર્ણને સૌ હળે;
દિલની પુકારે ચૂપી છવાઇ,
પ્રીતની હેલી ટળવળે.
priti bhatt"prit"
No comments:
Post a Comment