ગઝલ

#શુભ_CM_પ્રભાત

*પલ | હૃદયનો સીધો અનુવાદ*

ફૂલો સાથે ફાવ્યું એનું સીધું કારણ તું છે !
ઝેર મજાનું ભાવ્યું એનું સીધું કારણ તું છે !

કાંટા સાથે કાંટો થઈને રોજ લડું છું *ધારા !*
હસતું મોંઢું રાખ્યું એનું સીધું કારણ તું છે !

થાક અને બેચેની લઈને કોણ અજંપો સાંખે ?
આજ સુધી જે સાંખ્યું એનું સીધું કારણ તું છે !

કોણ હવાનો ફોટો પાડી ભીંતો પર ચોડાવે ?
સપનું કાચ મઢાવ્યું એનું સીધું કારણ તું છે !

અંદરથી એક ડૂમો કાઢ્યો ઉપર કંકુ-ચોખા,
આંખે તોરણ બાંધ્યું એનું સીધું કારણ તું છે !

*આલાપ*
#CM_Sarkaar