ફરી એ જ રસ્તે જવાનું થયું!
પછી જે થયું, ના થવાનું થયું!
જરા જીવ આવ્યો જો તકલીફમાં;
જમાનાને જોણું મજાનું થયું!
મળ્યા દોસ્તો પીઠ પાછળ અને;
ઘણું તારા-મારાથી છાનું થયું!
દિલાસાથી દિલને મનાવી લીધું;
જે મારું થયું એ બધાનું થયું!
ઘણાં ધમપછાડા તમે આદર્યા;
ને અંતે તો ધાર્યુ ખુદાનું થયું!
બધી યે પળોજણથી છૂટવું હતું;
ખરે ટાંકણે મોત બ્હાનું થયું!
સફર સાવ ટૂંકી હતી આપણી!
હજુ આવયા ત્યાં જવાનું થયું!
: હિમલ પંડ્યા
No comments:
Post a Comment