ગઝલ

[4/4, 9:26 AM] ‪+91 99090 71588‬: ગીત !

આવ,  ભીની  લાગણીને   SET કરીએ,
ને  પછી   આપણે   બેઉ CHAT કરીએ !

face book  કયાં  બતાવે  સાચો ચહેરો,
કેટલાં  OPTION  તણો  ત્યાં છે  પહેરો !
લાવ , આજે   કોઈને   UPSET   કરીએ !

અર્થો બધાં PAGE પર શું સ્પષ્ટ થાતાં ?
શ્વાસના   સ્પંદનો  એમાં,  કયાં  સમાતાં  ?
ભાવ  આજે   પ્રેમનો  UPDATE કરીએ !

G MAILને VOIC MAILવશમાં કર્યા,
લખતી વખતે આંખેથી આંસુઓ શું સર્યાં ?
ચાલ,  શબ્દોને   ફરીથી   EDIT  કરીએ !

GOOGL ના સંબંધો  હવે અહીં બંધાતાં ,
LIKE ની  સંખ્યા  વડે એ  અહીં મપાતાં !
     આવ, આજે   એમને   DELETE કરીએ !     
                                          -'કાન્ત'
[4/4, 11:29 AM] Purnuna Bhatt: પ્રેમ ગીત....

પ્રેમ એટલે કે એક અધખુલ્લી બારીએથી
વરસી જાતું તારી નજરુનું  લથબથ ચોમાસું.

પ્રેમ એટલે કે  એક  અષાઢી સાંજે 
કોઈ છોકરીની છાતીએ બેઠેલું  ચાતક જાણે પ્યાસુ.

પ્રેમ એટલે કે કોઈ નમણી આંખેથી
વરસેલી દોમ દોમ પ્રીતની ગમતીલી ગમતીલી હેલી.

પ્રેમ એટલે કે સાવ સાનભાન ભૂલેલી
ઓલા યમુનાને કાંઠે જાણે વિરહીગોપી  કાનઘેલી.

પ્રેમ એટલે કે ઓલી રઢીયાળી રાતડીનો સ્નેહે નીતરતો મનગમતો રૂપેરી  ચાંદો.

પ્રેમ એટલે કે  મનનાં મંદિરયામાં
શબ્દો વિના ઉતરી જાતા મોરપીંછનાં રંગીન  સંવાદો.

પ્રેમ એટલે કે આંખની અટારીયેથી
હૃદય સોંસરવો થતો ઝેરી કાળોતરાનો મધમીઠો ડંખ

પ્રેમ એટલે કે નિતાંત ગગનમાં  થનગનતા હૈયાને ઉડવા મળતા શમણાનાં સુંવાળા પંખ.

પ્રેમ એટલે કે કોઈ પ્રિયાની આંખડીએ
ચીતરેલા વાસંતી  વ્હાલ ભર્યા  ટહુકા.

પ્રેમ એટલે કે  વણબોલ્યા હોઠના
છાતીએ વળગેલા શબ્દોના લાખ લાખ  ડૂમા ને ડૂસકાં ..

શૈલેશ પંડ્યા.