Ek Gazal💐💐
આવીને રાત રોજ કહી જાય કાનમાં
તારા બધા જ સ્વપ્ન મેં લીધા છે બાનમાં
ક્યાંથી પછી હું આવી શકું તારા ધ્યાનમાં
લાંબા સમયથી હું જ નથી મારા સ્થાનમાં
મરજી મુજબનું ક્યાંય ના ભેટી શક્યા અમે
આભૂષણોનો ભાર હતો દરમિયાનમાં
તારા સમગ્ર રૂપનો સાક્ષી એ આઈનો
વર્ષોથી એકલો જ છે આખા મકાનમાં
જ્યાં અશ્રુનું કે રક્તનું ટીપું પડ્યું ન હોય,
એવી કોઈ જગા જ નથી હિન્દુસ્તાનમાં
ભાવિન ગોપાણી
No comments:
Post a Comment