ગઝલ
અસહ્ય જ્યાં જીવનનો અત્યાચાર થઈ ગયો
જખમ જ જખમનો પોતે ઉપચાર થઈ ગયો
સરનામુ હતુ ક્યાં દીલનુ દુશ્મનોની પાસે
લાગે છે મિત્રોથી અજાણ્યો વાર થઈ ગયો
ખુશીભર્યા મિલનનો એ અંજામ જાણતો હશે
હા એટલે જ ઈશ્વર નિરાકાર થઈ ગયો
કાયમ થયા છે રાહમા પગના નિશાન મારા
કાંટાનો મુજ પર એટલો ઉપકાર થઈ ગયો
"ગોપાલ" તારા હસવાનુ આ પરીણામ લાગે છે
કે તારા શબ્દ તારા આંસુ નો અવતાર થઈ ગયો
કોટક ધાર્મિક " ગોપાલ "
No comments:
Post a Comment