શીત ચાદર રાતની, કેમ કરી ખાળું હવે,
આવને સપનામાં , હું તને સંભાળું હવે!
બહુ આટીઘુંટી કરી, ને કેવો થાકી ગયો!
શું ઉકેલી શકાય, પ્રેમ તણું જાળું હવે?
જો શરૂઆત છે, રાત આખી બાકી છે ,
લાવતો જાતને એકલતામાં ઢાળું હવે !
સ્વપનની ક્ષિતિજે,રાહ જોઈ ઊભો છું;
લાવ જલ્દી તુંય પણ રાતનું તાળું હવે !
અલાયદી મજા છે સ્વપ્નની ને રાતની;
એટલે રોજ હું કેવું સવારને ટાળું હવે !
હિમાંશુ મેકવાન
૦૯.૦૪.૧૭
No comments:
Post a Comment