હઝલ

*હઝલ*
કલમને ખબર છે ક્યાં જઈ અટકવાનું છે,
અણીએ તો બસ અણધાર્યું બટકવાનું છે.

દેખી   ફોટા    ફેસબુકમાં     સુંદરીઓના,
વાંદરાંની  જેમ  જ  ખાલી   મટકવાનું છે.

વેકેશન પડ્યું તેથી  શું ખુશ  થયાં  દોસ્તો,
રોજની જેમ પાદર જ  તો  ભટકવાનું છે.

પીપળે  ચડો તો પછી  પડો  મારાં  ભાઈ,
કીડીનું  કામ  જ  ગમે  ત્યાં  ચટકવાનું છે.

કુસ્તી જોઈ ન કરશો બંધ બહેનો આંખો,
પહેલવાનનું   કર્મ  જ   તો   પટકવાનું છે.

પ્રેમીની   હો   કે   વ્હેમીની  એને  તો  શું,  
કણું  તો  સૌની  આંખોમાં  ખટકવાનું છે.

ઉપાડો  ન  લેશો  કવિ  થવાનો કોઈ હવે,
આટલું  કહી  મારે   હવે    છટકવાનું છે.
     
      - *સંજય બાપોદરિયા 'સંગી'*
         *મોરબી*