સમજવા ભાગવત માધવ હવે તારે થવુ પડશે.
પુરુષોત્તમ થવા રાઘવ હવે તારે થવું પડશે.
નયન કોરા જરા પણ કેમ એ માના નથી થાતા ?
બધું એ જાણવા પાલવ હવે તારે થવું પડશે.
કણે કણમાં અખિલ બ્રહ્માંડમાં સઘળે બિરાજે છે;
પ્રભુને પામવા માનવ હવે તારે થવું પડશે.
તને પણ શોધવા તારી ગલીએ આવશે એ રોજ;
નશા જેવું ઉચિત આસવ હવે તારે થવું પડશે.
બનીને જળ રહેવું ફક્ત કાફી એ નથી 'સર્જક'
કમળના મોહમાં કાદવ હવે તારે થવું પડશે.
-સર્જક
____________________________
*મોરબી જીલ્લા સાહિત્ય વર્તુળ*
No comments:
Post a Comment