દોહા

ઉત્તર ગુજરાતમાં અનરાધાર વરસી રહેલાં વરસાદને શમવા માટે દોહા સપ્તક દ્વારા એક પ્રાર્થના.....

*છંદ : તુંવેરી દોહા* *(સપ્તક)*

ખારો   મેઘો   ખાબકે,   જોડે   લેતો   જાન,
લોકો   ભૂલે   ભાન,  શાતા ધરજો   શામળા ||૧||

છત્રી   ઊડે  છત   ઉડે,   મોભા   ખોવે  મેર,
કાળો  વરસે   કેર,  શાતા   ધરજો   શામળા ||૨||

તાણે  પાણી  તંબુને,  ઝબકે  વિજળી ઝાળ,
પડતી  ખેતર  પાળ,  શાતા  ધરજો  શામળા ||૩||

નાળા  છલકે  ને  નદી, ઢોલ્યાં  બનતાં ઢાલ,
હિબકે ચડતાં બાલ,  શાતા  ધરજો  શામળા ||૪||

ગરજે   મૃત્યુ   ગામમાં,  હોંકારે  સૌ  હાય,
વંટોળે   છે  વાય,  શાતા  ધરજો   શામળા  ||૫||

લક્ષો વિખરી લાશ છે, આંખે કરુણા આશ,
પડતી  મેલો  પાશ, શાતા  ધરજો   શામળા ||૬||

તાંડવ  કેરું  તાન  છે,  જોખમમાં  છે જીવ,
શાતા  ધરજો  શીવ, શાતા ધરજો  શામળા ||૭||

*- ભાવિન દેસાઈ 'અકલ્પિત'*