ગીત

એ કોયલી કાગડોળે વાટ જોતી'તી
આંખો ભરી'તી,
નજર નાં
ચળકાટ ખોતીતી
              એ કોયલી   - -
એની આંખ માંપાણી ને પલળી આંબા વાડી
પણ, એ તો રેતી નાં
ઘાટ જોતી' તી !
             એ કોયલી - - -
હતી બેઠી આંબા ડાળે
ને માળો રહી
ગયો તાડે!
છતાં'ય વડલો એ
સપાટ! જોતી'તી
            એ કોયલી - - - -
જતી કાગડી પાંહે
બાળ પાડજો માં હે!
ખુદ નાં બાળપણ માં
કાગ નો ઉચ્ચાટ જોતી'તી!
                 એ કોયલી -
કંઠ ઘવાઈ ગયો'તો
આંબો છવાઈ ગયો'તો
ને તેને પામવા
કુઉ કુઉ ના ઉચ્ચાર
બોતી' તી
          એ કોયલી - - - --
ઋતુ વલટાઈ ગઈ
ને કોયલ પલટાઈગઈ !
એ જઈ કાગ માળે
ખુદ ની જાત જોતી'તી ?
              એ કોયલી - - -
કાગ વિસ્મય પામ્યો
કોયલ ના જ કામ હોય !
એ રોજ રોજ ખુદ નું
જ લલાટ જોતી'તી ?
                એ કોયલી - -
કાગ ભાવ ભરેલો
કોયલ વિચાર છે પેલો?
ને લે, જિંદગી જ સામસામી
હસતી ને રોતી'તી!
એ કોયલી કાગડોળે વાટ જોતી'તી
આંખો ભરી'તી નજર માં ચળકાટ જોતી'તી
                       ઝલક