અછાંદસ

ક્યાં સુધી ...?

આ

ભીડના અડાબીડ જંગલમાં
આપણે એકબીજા સાથે

અથડાતા, કુટાતા
અહંના અતીરેક્ના વમળમાં
ચેહરા ઉપર મોહરું પેહરી
ચાલ્યા કરીએ છીએ

કોઈને સમય નથી
આ ખોટો કોલાહલ સાંભળવાનો

કેટલાય વાહનોનાં ઘોઘાંટમાં
શબ્દો ઉગતા જ આથમી જાય છે

સુનકાર રસ્તા પર પગથી
ઠોકર મારી પથ્થર જોડે રમવાનું તો
ભુલાઈ જ ગયુ છે

પણ રમત એટલી હાથવગી છે
આપણે માણસ ને ઠોકરે મારી
રમત રમવામાં પાવરધા

કમ્પ્યુટરની on સ્ક્રીન પર
રમાતી રમત ની જેમ રમ્યા
કરીએ છીએ ..

અને આ અડાબીડ જંગલની
જાહોજલાલી ..
એમ જ સચવાયેલી

પોતાની ગૌરવ ગાથા ગાયા કરે છે ...
આમ ક્યાં સુધી .....?

અસ્મિતા