ગીત

હરિગીત
0
રવીન્દ્ર
0
હરિ,દીધું છે નવું વર્ષ તો તમને સાલ મુબારક,
અમને ક્યાં કંઈ ફેર પડે છે અમને હાલ મુબારક.

અમે તમારું શરણ લીધું છે રાખો તેમ જ રહીએ
તમને લાખો જીવની ચિંતા,તેમાં ક્યાં દુઃખ કહીએ?
બધું ભૂલીને તમે ય બોલો અમને વ્હાલ મુબારક...

બધા જ સરખા કહીને રાખ્યા નાના મોટા ભેદ,
અમીરને એ.સી. દીધું ને અમને આ પ્રસ્વેદ,
તમે દીધું તે તમને દીધું,તમને ચાલ મુબારક...

હરિ.આંગળી દીધી ત્યારે હતું કે હાથ પકડશો,
તમે અમારું પોન્ચુ પકડી ક્યાં ક્યાં સાથ રખડશો?
તમે તમાચા દીધે રાખો,અમને ગાલ મુબારક...
000