गझल

વાગે છે ચૌદિશ પડઘમ હજુ સુધી
વાત રાખી શાને મોઘમ હજુ સુધી

આંધળે બહેરૂં કૂટાયું શા કારણે
હોઠ કંપે છે નિરૂત્તર હજુ સુધી

વેદના છે ઝાઝી પણ હોઠ બંધ છે
ખાનદાની  છે અનુત્તર  હજુ સુધી

અંધે ગોળીબાર કર્યો શું કારણે
ના મળે ઉત્તર ને કલબલ હજુ સુધી

ઝેર ચાખી જીવું છું હું મસ્તી ભરી
લોક કે' છે લે આ છનછન હજુ સુધી!

ચાલે છે સંસાર એની ગતિ લઈ
તોય છાની છેડે સરગમ હજુ સુધી

કૈંક ઘાવો જીરવી જીવતી રહી
દીકરી છું હામ અણનમ હજુ સુધી

સરલા સુતરિયા