છંદ

🙏🏻🌹🌷चिरजा माँकरणीजी🌷🌹🙏🏻

🙏🏻🌷किरपा कीज्यो हे करणादे🌷🙏🏻

***********************************
©®लेखक:-अजयसिंह राठौड़ सिकरोड़ी
---------------------------------------------------
तर्ज:-टूटे बाजूबंद री लूम लड़ उलझी उलझी जाय
***********************************

जय जय जय करनल किनियाण,मढ़ देसाणै री राय।
जय जय करनल किनियाण,मढ़ देसाणै री राय।
हो जी ऊंची तो आकाशां, थारी धज्जा लहराय।
कोई ऊंची तो आकाशां, थारी धज्जा लहराय।
किरपा कीज्यो हे करणादे,
मैहर कीज्यो हे करणादे,म्हारो बेड़ो पार लगाय।।1।।
जय जय जय करनल किनियाण....

गांव सुवाप में आवड़ थै तो, आप लियो अवतार।
गांव सुवाप में आवड़ थै तो, आप लियो अवतार।
भौम उबारण आया अवनी, करणीजी किरतार।
भौम उबारण आया अवनी, करणीजी किरतार।
कुळ तारण नै कीनिया माँ, मेहाई महमाय।
कुळ तारण नै कीनिया माँ,मेहाई महमाय।।2।।
किरपा कीज्यो हे करणादे,
मैहर कीज्यो हे करणादे,म्हारो बेड़ो पार लगाय।।
जय जय जय करनल किनियाण...

कान्हा नै श्राप दियौ थै, रिड़मल रै राज थपाया।
कान्हा नै श्राप दियौ थै, रिड़मल रै राज थपाया।
राठौड़ी राज बणायो,जोधाणा नगर बसाया।
राठौड़ी राज बणायो,जोधाणा नगर बसाया।
सिर हाथ रख्यो कांधल रै, बीका रो राज बणाय।
सिर हाथ रख्यो कांधल रै, बीका रो राज बणाय।।3।।
किरपा कीज्यो हे करणादे,
मैहर कीज्यो हे करणादे,म्हारो बेड़ो पार लगाय।।
जय जय जय करनल किनियाण.....

शेखो नै ल्यावण करणी, तुं संवली रूप बणाय।
शेखो नै ल्यावण करणी, तुं संवली रूप बणाय।
पंजा में ल्याय पकड़ के,दियौ पूगल गढ़ पहुंचाय।
पंजा में ल्याय पकड़ के,दियौ पूगल गढ़ पहुंचाय।
राव बीका जी रै संग में,दी रँग कुंवरी परणाय।
राव बीका जी रै संग में,दी रँग कुंवरी परणाय।।4।।
किरपा कीज्यो हे करणादे,
मैहर कीज्यो हे करणादे,म्हारो बेड़ो पार लगाय।।
जय जय जय करनल किनियाण.....

महिमा सेवग थारा गावै,चरणां में सीस नवावै।
महिमा सेवग थारा गावै,चरणां में सीस नवावै।
राठौड़ अजय सिकरोड़ी,चिरजा माँ थारी बणावै।
राठौड़ अजय सिकरोड़ी,चिरजा माँ थारी बणावै।
अपने भगतां नै माँ करणी, देवो थै दरस दिखाय।
अपने भगतां नै माँ करणी, देवो थै दरस दिखाय।।5।।
किरपा कीज्यो हे करणादे,
मैहर कीज्यो हे करणादे,म्हारो बेड़ो पार लगाय।।
जय जय जय करनल किनियाण.....

🙏🏻@अजयसिंह राठौड़ सिकरोड़ी🙏🏻
***********************************
---------------------------------------------------
***********************************