ગઝલ
ગાલગાગા , ગાલગાગા, ગાલગા
જાણભેદુ કાફલાને લૂંટશે,
ઝાંઝવાઓ જીવતરને ચૂંથશે.
છો રૂપાળાં ; રૂપને સંભાળજો,
સમય , રૂપાળી ક્ષણોને ચૂંટશે.
રામનો હો આશરો, કે જામનો,
અંત વખતે શ્વાસમાળા તૂટશે.
હાથની રેખા ભલે હો ફાંકડી,
અધવચાળે કૂપ જળના ખૂટશે.
પ્રેમમાં છોને ઉદાસી સાંપડે,
સાંજ ; પોતે ખબર અંતર પૂછશે.
કોણ ઝબકાવી ગયું છે આખરે ?
ઉપવને કોયલ મધુરું કૂકશે .
ને અશ્રુઓથી છલકાઈ ઓઢણી,
'કાંત ' ખરતા,નયનને તો લૂંછશે.
***
-'કાન્ત'
No comments:
Post a Comment