*🍃'પ્રદીપ'🍃*
બુઝશે હમણાં આગ પ્રદીપ,
છેડો દીપક રાગ પ્રદીપ.
હૈયામાં ઊંડાણ ઘણું,
આંખો દેશે તાગ પ્રદીપ.
હમણાં દીધું સ્મિત તને,
સારો છે આ લાગ પ્રદીપ !
સામે આવ્યો સિંહ ભલે,
કાયર થઈ ના ભાગ પ્રદીપ.
માગે છે શું એક ગુલાબ;
આપું દિલનો બાગ પ્રદીપ !
કો'ક અતિથિ આવશે હમણાં :
નેવે બોલે કાગ પ્રદીપ.
ખૂટીં ગઈ દરિયાવદિલી ?
નદીઓ જોડે માગ પ્રદીપ.
અજવાળી દે ફૂંક દઈ,
તું છે એવો નાગ પ્રદીપ.
તશ્કર ટૂટ્યાં છે ઘરમાં !
ઊઠ, ઊભો થા, જાગ પ્રદીપ.
બૂઝી ગઈ છે જ્યોત હવે,
મૂકી કાળો દાગ પ્રદીપ !
*— પ્રદીપ સમૌચા*
No comments:
Post a Comment