હેલી હંબો હંબો
સ્હેજ વાતમાં અજવાળું ઝોકાર હંબો હંબો
અંધારાનાં પગલાં જાતા દૂરદૂર ભેંકાર હંબો હંબો
ચિબરીના અવાજો ચકકર તરે દૂરની વાટે
ઘુવડના હવડિયા વાવડ થૈ ગ્યા અવળા પાટે
મહાનલનો લગરીક મલી રહ્યો ઉપહાર હંબો હંબો
સહેજ વાતમાં અજવાળું ઝોકાર....
ભરતી ઉમટી તનમન જોડી માર્યા ઠાર હરખે
આનંદ ઉમટ્યો આંગણીએ તાણી તાર ચરખે
ભરચક ઉમટે છલકી રહી સવાર હંબો હંબો
સહેજ વાતમાં અજવાળું ઝોકાર....
ડૉ. ભાવેશ જેતપરિયા
No comments:
Post a Comment