[5/11, 7:08 AM] Satym Barot New: 🌳🌳સાચી દવા🌳🌳🌳
ડૉ.સત્યમબારોટ
લગાગા લગાગા લગાગા લગાગા
તને પ્રેમમાં એ હજી ક્યાં તમા છે,.
અહીં દર્દની દર્દ સાચી દવા છે.
બધું ધારશો પ્રેમમાં એ જ મળશે,.
ખબર છે તને પ્રેમ સાચો ખુદા છે.
મળે દેવતા એક સાચા જ ભાવે,.
સદા દર્દમાં જ્યાં અનોખી અદા છે.
પચાવ્યો અહીં પ્રેમ એણે મજાનો,.
અહીં પ્રેમમાં દર્દ સાચી રજા છે.
કરું એક ઈચ્છા અહીં પ્રેમ કેરી,.
અહીં સુખ બધાંને બધાં આપવા છે.
રહું છું સદા એક શાંતિના વનમાં,.
મને પ્રેમમાં તો મજા છે, મજા છે.
ડૉ.સત્યમબારોટ
🌳🌳🌳🌳🌳🌳🌳🌳🌳🌳🌳🌳🌳🌳🌳🌳
[5/11, 7:08 AM] Satym Barot New: ્્્્્્્્્્્્્્્્્્્્્્્્્્્્્્્🌳ગાંડી પ્રજા છે🌳
ડૉ.સત્યમબારોટ
બધે રોટલાની ખરી જો કથા છે,.
મહેનત વગરની બધીએ જફા છે.
નથી કામ કરવું, મફત રોજ લેવો,.
ભણેલાં બધાની નવી આ અદા છે.
ભલે દેશ ખાડે જતો હોય, જાતો,.
પગારો,વધારો મળે ઓરતાં છે.
મફતનું મળે છે, બધા જાય લેવા,.
બધું કામ છોડી કતારે ઉભા છે.
લઈ આવે નેતા બધાએ નકામાં,.
પછી કામ ખોટાં બધાએ કર્યાં છે.
વગર ઘૂસ આપે કરે કામ, ના એ,.
કઢાવા અહીં કામ અવળી પ્રથા છે.
કહે કોણ કોને અહીં દેશમાં તો,.
છે રાજાએ ગાંડો ને ગાંડી પ્રજા છે.
ડૉ.સત્યમબારોટ
🌳🌳🌳🌳🌳🌳🌳🌳🌳🌳🌳🌳🌳🌳🌳🌳
[5/11, 7:08 AM] Satym Barot New: 🌳🌳બે વેવાણોનું ગીત🌳🌳
ડૉ સત્યમબારોટ
ઘરડાં ઘરમાં બે વેવાણો સામસામે ભીડાણાં,.
છોરાંની એ વાતો કરતાં મનમાં ખૂબ મૂઝાણાં.
સમજવાની સમજાવાની વાતો ઠાલી માલી,.
એકબીજાને દિલ ખોલીને સાંત્વનાઓ આલી.,
આ છોરાં તો જોજોને કર્મોથી મરવાનાં,.
છોરાં થ્યાં છે, કોઇનાં તે આપણાં એ થવાનાં.
હસતાં હસતાં અલક મલકની વાતો કરવા લાગ્યાં,.
મનનાં જૂનાં ગૂમડાં ફૂટી આજે વકરવાં લાગ્યાં.
ખોટે ખોટાં મા,સાસુનાં બેસીર્યાં મોભામાં,.
જાતો આખી પૂરી દીધી માયાના ખોખામાં.
યાદ આવ્યાં બેઉ જણને જૂનાં એ ઊખાણાં,
પોતે જ્યારે વહુ હતાં'તો બની ગયાં'તા શાણાં.
જાત માટે ખૂબ કર્યાં તા ત્યારે ભેગાં નાણાં,.
હૂતો હૂતી એક થયાં ને ઘરનાં સુખ વિખરાણાં.
સેવા ભૂલી મા બાપની ગાવા લાગ્યાં ગાણાં,.
માનવતાને નામે કેવાં થઇ ગયાં તા કાણાં.
જેવું જે કરવાનાં ભઇ એવું સૌ ભરવાનાં,.
સાચી સેવા ચૂકી ગ્યા,તો દીકરા થઇ ગ્યા પાણાં.
ડૉ.સત્યમબારોટ
🌳🌳🌳🌳🌳🌳🌳🌳🌳🌳🌳🌳🌳🌳🌳🌳
[5/11, 7:08 AM] Satym Barot New: એટલો તો હું કદી સારો નથી,.
તોય લોકો પ્રેમથી સારો કહે.
ડૉ.સત્યમબારોટ
🌳🌳🌳🌳🌳🌳🌳🌳
[5/11, 7:08 AM] Satym Barot New: જિંદગી હું એટલી જીવી શકું,.
માનવીમાં માનવી વાવી શકું.
ડૉ.સત્યમબારોટ
🌳🌳🌳🌳🌳🌳🌳🌳🌳🌴🌳🌳🌴🌳🌴🌳
[5/11, 7:08 AM] Satym Barot New: 🌳🌳ખુદાની ચાહત🌳🌳
ડૉ.સત્યમબારોટ
ગાલગાગા ગાલગાગા ગાલગા
પ્રેમવાળી જિંદગી શરબત થશે,.
ને ખુદાના શ્વાસમાં બરકત થશે.
કામ મારે એટલે કરવાં ઘણાં,.
ત્યાં ખુદાને કામમાં રાહત થશે.
કામ આવી જો ગયા સૌનાં અમે,.
તો બધાનાં દિલ મહીં ચાહત થશે.
કામમાં ઉકલી જશું કાયમ ભલે,.
જિંદગી ની કાયમી આરત થશે.
જિંદગી બેકારની જીવી જશો,.
એ ખબરથી જિંદગી આહત થશે.
જો ખુદા સામે અમે કંઇ હારશું,.
આજ દુનિયામાં નવી બાબત થશે.
જીતશું આજે ખુદા સામે અમે,.
તો સદા પેઢી તણી દોલત થશે.
હોય, મા જેવી ખુદાની ચાહતો,.
મા હશે એવી ખુદા સૂરત થશે.
ડૉ.સત્યમબારોટ
🌳🌳🌳🌳🌳🌳🌳🌳🌳🌳🌳🌳🌳🌳🌳🌴
[5/11, 7:08 AM] Satym Barot New: 🌳ગુર્જરવીર🌳
ડૉ.સત્યમબારોટ
ગુર્જરપથના રાહી અમે સૌ ,ગુર્જરપથના રાહી.
પ્રભાતનાં મંત્રો ભરી મુઠ્ઠીમાં તિમિર દેતાં ભગાડી.
નવલી વાટો રોજ રે ખૂંદતાં નવીનતાના રાહી,.
સૂર્ય ચન્દ્ર ને ખિસ્સે ભરીને દશે દિશાઓ આંબી.
સંઘર્ષોમાં ઝૂમીઝૂમીને વિજયનગરી વસાવી, .
સમાનતાના સ્વર્ગ રચીને પ્રેમની જ્યોત જલાવી.
સુખ દુખમાં સૌ સાથે રહીને રણમાં ફૂલ ખીલાવી,.
એકતાની પગલી માંડી શાંતિ ના ચિરયાત્રી.
દ્વારિકામાં મોહન પ્યારે પ્રેમની બંસી બજાવી,.
સોમનાથમાં ભોળોશંભુ બેઠો ધૂણી ધખાવી,.
કલકલ ગાતી નદીઓ વ્હાલી સાગરકુળની રાણી,.
અરવલ્લીની ગિરિ ગુફાથી વરસે અમૃતવાણી,.
નવ પ્રકાશને નવ અવાજ લઈ નવ પથના નવ રાહી,.
રાષ્ટ્રની નવ જ્યોત બનીને નવલી દુનિયા વસાવી.
નરસૈયાના પ્રભાતિયાંથી ગૂંજે ગુર્જરરાણી,.
શાંતિ, સત્યને નીડરતાથી હૈયું દે હરખાવી.
અમે ગુર્જરપથના રાહી.
ડૉ.સત્યમબારોટ
🌳🌳🌳🌳🌳🌳🌳🌳🌳🌳🌳🌳🌳🌳🌳🌳
[5/11, 7:08 AM] Satym Barot New: 🌳સાચો ક્યાં હતો🌳
ડૉ.સત્યમબારોટ
ગાલગાગા ગાલગાગા ગાલગા
આંખમાં એની તિખારો ક્યાં હતો,.
માનવી ખાલી કબાડો ક્યાં હતો.
જિંદગી જાતી ગરીબીમાં બધી,.
તોય માણસનો નકારો ક્યાં હતો.
કામમાં એ આવતો સૌને સદા,.
તે છતાં માણસ નકામો ક્યાં હતો.
બોલ મારા નામથી ખોટું નહીં,.
એટલો તો હુંય ખોટો ક્યાં હતો.
લોક અપરાધીને પત્થર મારતાં,.
મારનારો એક્કે સાચો ક્યાં હતો.
ડૉ.સત્યમબારોટ
🌳🌳🌳🌳🌳🌳🌳🌳
[5/11, 7:08 AM] Satym Barot New: 🌳બિચારો ક્યાં હતો🌳
ડૉ.સત્યમબારોટ
માનવી પ્હેલાં નકામો ક્યાં હતો,.
આટલો તો સાવ ખારો ક્યાં હતો.
વાતવાતે આજ માણસ બાઝતો,
વેરનો આવો રસાલો ક્યાં હતો.
દર્દમાં એ જીવતો ,મરતો સદા,
આજ જેવો એ બિચારો ક્યાં હતો.
એ સમય જીવન ઘણું કપરું હતું,
તોય માણસનો વધારો ક્યાં હતો.
રોટલો ચટણી બધાં ખાતા મળી,
તે છતાં દુખનો નકારો ક્યાં હતો.
ડૉ.સત્યમબારોટ
🌳🌳🌳🌳🌳🌳🌳🌳
[5/11, 7:09 AM] Satym Barot New: 🌳શરમ🌳
ડૉ.સત્યમબારોટ
હું
ચરિત્રના એવા,
નાગાઓ વચ્ચે રહું છું,
જે બહાર,
શરમનાં લુઘડાં, વીંટીને,
ફરે છે.
ને, સંસ્કૃતિની,.
વાતો કરે છે..!!!
ડૉ.સત્યમબારોટ
🌳🌳🌳🌳🌳🌳🌳🌳
[5/11, 7:09 AM] Satym Barot New: 🌳🌳ઝાડ🌳🌳
ડૉ.સત્યમબારોટ
પૈસા પાછળ એ ભાગે છે
માણસને ક્યાં કઇ ફાવે છે
મોટા આંબા,વડ કાપીને,
મનીપ્લાન્ટને વાવે છે.
ફૂલ,ડાળી ફોટે વાવી,.
મૂળિયાં એનાં કાઢે છે.
નાના મોટાં ઘરનો માણસ,.
મીઠાં છાંયાઓ વાઢે છે.
મરવાનો થ્યો છે આ માણસ,
જે વનના ફોટા પાડે છે.
યંત્રો પાછળ ગાંડો થઇને,
એ મોતને બોલાવે છે.
ડૉ.સત્યમબારોટ
🌳🌳🌳🌳🌳🌳🌳🌳
[5/11, 7:09 AM] Satym Barot New: 🌳🌳ખોટું કામ🌳🌳🌳
સાવ ખોટું કામ તો થાતું હશે,.
નર્કમાં એ સ્વર્ગ તો માતું હશે.
સોયના નાકા મહીં મથતાં બધાં,
રાંઢવું આખ્ખું કદી જાતું હશે.
ડૉ.સત્યમબારોટ
🌳🌳🌳🌳🌳🌳🌳
[5/11, 7:09 AM] Satym Barot New: 🌳🌳માતમ ગવાતું હશે🌳🌳
ડૉ.સત્યમબારોટ
જિંદગીનું માતમ એમ ગવાતું હશે સાઈ,.
છાજિયામાં જીવન એમ કુટાતું હશે સાઈ.
આયખું તું ફાડી નાખ છતાં મોત સામે છે,.
તોય બી,બી ને તે રોજ જિવાતું હશે સાઈ.
ભાગલા માણસના કેમ કરો છો, તમે લોકો,.
લાકડીથી જળ ને નોખું ,કરાતું હશે સાઈ.
આવકારો દઇએ જેમ મહેમાનને ઘરમાં,.
મોતને તે પાછું એમ કઢાતું હશે સાઈ.
માનવીનું જીવન ખાસ વધારે નથી હોતું,.
પણ રમત છોડીને બાર જવાતું હશે સાઈ.
ડૉ.સત્યમબારોટ
🌳🌳🌳🌳🌳🌳🌳🌳
[5/11, 7:09 AM] Satym Barot New: 🌳🌳
લગાગા લગાગા લગા લગા
ડૉ.સત્યમબારોટ
બને પ્રેમ થોડો તું ગાઇ દે,.
બધે પ્રેમ થોડો તું વાઇ દે.
બધાં શબ્દ પાછા ડૂબી જશે,.
મને, પ્રેમનો શબ્દ ઢાઇ દે.
હવે પ્રેમનું તું લગાન દે,.
વધુ નૈ મને એક પાઇ દે.
વધારે ન ઓછો મને જુએ,.
હતો પ્રેમ એવો તું લાઇ દે.
ન મોટા થવાની મજા મને,.
ગમે છે એ બચપન જ માઇ દે.
બધાં કાજ સારા વિચાર દે,.
મને કામ એવાં તું સાંઇ દે.
ડૉ.સત્યમબારોટ
🌳🌳🌳🌳🌳🌳🌳🌳
[5/11, 7:09 AM] Satym Barot New: 🌳ખુદા પ્રેમની વફાઇ દે🌳
... ...
ડૉ.સત્યમબારોટ
લગાગા લગાગા લગા લગા
તું જીવનમાં દુખની કમાઇ દે,.
ને જીવનમાં સુખને સજાઇ દે.
જો જીવન છે સુખ દુખ તણી કથા,
સુખદુખની ખરી તું સફાઇ દે.
ખુદા જો મને કરવો હો, દુખી,.
તો સાથે રહીને દુહાઇ દે.
ગમે જો નશામાં રહેવું તને,.
બધે પ્રેમની તું સુરાઇ દે.
નથી જોઇતા રૂપિયા ઘણાં,.
મને બસ તું તારી ભલાઇ દે.
હશે જો થોડી ચાલશે મને,.
ભલી જિંદગી તું ખુદાઇ દે.
હશે પ્રેમ તારો દેખ્યો નથી,.
મને પ્રેમની તું વફાઇ દે.
ડૉ.સત્યમબારોટ
🌳🌳🌳🌳🌳🌳🌳🌳
[5/11, 7:09 AM] Satym Barot New: 🌳🌳નશીલી ખુદાઈ દે🌳🌳
ડૉ.સત્યમબારોટ
બુરાઈ કરે તો બુરાઈ દે,
ભલાઈ કરે તો ભલાઈ દે.
ખુદા ન્યાય સરખો બધે કરે,
બધે એક સરખી સફાઈ દે.
બધાં જીવમાં એ જ દેવ છે,
ભલા લોહીની તું સગાઈ દે.
અમે વાંદરાના વંશજ છીએ,
એની તું સાચી વારસાઈ દે.
કહે ને કરે કાંઈ, માણસ છે,
એને શોભતી માણસાઈ દે.
નશો ના કશામાં રહ્યો હવે,.
નશીલી મને તું ખુદાઇ દે.
જુદા છે કરમ ને જુદા ધરમ,.
બધા એક બનવા, દુહાઇ દે.
ડૉ.સત્યમબારોટ
🌳🌳🌳🌳🌳🌳🌳
[5/11, 7:09 AM] Satym Barot New: 🌳🌳બધાંનો વિચાર દે🌳🌳
ડૉ.સત્યમબારોટ
બુરાઈવાળાને બુરાઈ દે,
ભલાઈવાળાને ભલાઇ દે.
ખુદાના નિયમ સરખા છે અહીં,
કરે પ્રેમ એને ખુદાઈ દે.
મને તરવું ના તારવું ફાવે,
જરા તું ભવસાગર તરાઈ દે.
ફરું જિંદગી ને મરણ મહીં,
એવી તું કબર ગોદવાઈ દે.
બધાંના તું સુખનો વિચાર દે,.
અને એ સુખમાં માણસાઈ દે.
ડૉ.સત્યમબારોટ
🌳🌳🌳🌳🌳🌳🌳🌳
[5/11, 7:09 AM] Satym Barot New: 🌳🌳પહેલી કમાઈ દે🌳🌳
ડૉ.સત્યમબારોટ
બધાં હોય સાથે જ ગાઈ દે,
ભરીને મનને તું નચાઈ દે.
હજી હોય વિશ્વાસ ના તને,
તો ખોલીને દિલને મપાઈ દે.
હસાવું છે ઘરને, ફિકર નહીં, .
જઈને તું સાચી સફાઈ દે.
હવે છોકરાં ના કંઇ માંગશે,.
હસીને દિલેથી લપાઈ દે.
થશે આજ શાંતિ આખા ઘરને,.
જા આજે પહેલી કમાઈ દે.
ડૉ.સત્યમબારોટ
🌳🌳🌳🌳🌳🌳🌳🌳
[5/11, 7:09 AM] Satym Barot New: 🌳🌳લોહીની સગાઈ🌳
ડૉ.સત્યમબારોટ
બધાને બધાની ખરાઈ દે,
તું ઔકાત સાચી બતાઈ દે.
કરે ભીંત બીજી ના ઘર વચ્ચે,.
કસમ ખાય માની દુહાઈ દે.
ભલે ખાય ચટણી ને રોટલી,
પણ ભેગા મળીને હસાઈ દે.
જીવે એક બીજાના શ્વાસથી,
એ લોહીની સાચી સગાઈ દે.
ડૉ.સત્યમબારોટ
🌳🌳🌳🌳🌳🌳🌳