ગાગાલગા ગાગાલગા ગાગાલગા
જો ધોમધખતો લાહ્ય ઉનાળો હોય છે
ગરમીનો કેવો કેર કાળો હોય છે.
હા, પ્રેમ સાચેમાં સુંવાળો હોય છે,
એ ઊર્મિનો ભારે ઉછાળો હોય છે.
ક્યારેક ફૂલોથી ય લાગે છે જખમ,
મીઠી ય મધ કોઈ દિ' ગાળો હોય છે.
જોવો જ છે બોલો તમારે લો કહું,
મારો સખો સૌથી નિરાળો હોય છે.
ના,ના, જવાબો સાવ સાચા હોય ના,
કે, બંધબેસી જાય તાળો હોય છે.
લો બારણાં બારી હવે વાસી રહે ,
ઘરની મહીં ના કોઈ માળો હોય છે.
સૂરજને શું થોડી દયા ના આવતી?
કે ઝાડ પર પંખીનો માળો હોય છે.
જો આમ હૈયાના તરંગો શાંત છે
લો યાદ કંકરનો જ ચાળો હોય છે.
ઓછી થતી આ સભ્યતા જોઉં પછી,
ભીતર મને મોટો બખાળો હોય છે.
✍️કવિતા શાહ
No comments:
Post a Comment