કોઇ સાથ દેશે એ આશા ફળી!
ઉદાસીએ ઝાલી લીધી આંગળી!
નથી એક સપનું ય સાચું પડ્યું;
રહી લાખ ઈચ્છાઓ પણ પાંગળી!
ગમા-અણગમાની હવે વાત ક્યાં?
હતી જે પીડા એ જ પાછી મળી!
મને આંસુ રસ્તા વચાળે મળ્યાં!
જૂની ઓળખાણો ઘણી નીકળી!
ખુશીને નિહાળી'તી મેં આવતા;
મને જોઇને એ ય પાછી વળી!
નવાં રંગ ને રુપને પામવા,
ઉતારીને ફેંકી દીધી કાંચળી!
નથી કાંઈ ઝાઝું હવે માગવું;
મળે એક પિંછુ અને વાંસળી!
: હિમલ પંડ્યા
No comments:
Post a Comment