સાધુવેશ—સંજુ વાળા
એક તાંતણે પૂણ્ય પરોવ્યાં, બીજે અગણિત ગુના,
ભડભડ સળગ્યાં એક તિખારે, બન્ને ઢગલા રૂ-ના
જે નિહાળે એજ ખેલતા ચોર સિપાહી રમત
જેને જેનો નિષેધ બાંધે, તેને તેની મમત
એમ પરસ્પર ઓતપ્રોત થઈ ઘા સંકોરે જુના
લયના સૌ લાગા ચુકવતાં વાણીના વાણોતર
જાચકની ઝોળીને કઈ ના, આગોતર પાછોતર
રાચંતા નાચંતા રગરગ ભરતા ભાવ અધૂના
થૈ-માંથી થડકાર ગ્રહી લે, રે આલાપી રજસ
ભ્રમણવ્રત લઇ ભમતા રમતા ભોગવતાં સૌ રસ
રંગ-ગોચરી રળવા ચાલ્યા વેશ ધરી સાધુના
No comments:
Post a Comment