આ આંખોમાં એક ઉજાગરો હતો કે પછી
એ મસ્ત નશો હતો તારા જ ઈન્તજારનો
એક રસ્તો જોયો હતો તુજ નયનોમાં મેં
એ જ તો એક નકશો હતો મારી મંઝિલનો
હવેતો ઉછળતી લહેરો પણ શમી ગઈ છે
એને પણ છૂપો ડર તો હતો જ સાહિલનો
એ તો હતી મારા પ્રેમની એક પ્રસ્તાવના
એ કોઈ બેબુઝ શેર તો નહોતો ગાલિબનો
આ શ્રદ્ધા પણ આખરે તો હચમચી જ ગઈ
કે જયારે ભાર લાગ્યો મને આ તાવિજનો
નિશ્ચિત હતો હું નિખાલસ દુશ્મનોથી સદા
ને ડર હતો એક માત્ર દોસ્ત તથાકથિતનો
સ્થૂળ તો સઘળું માયા જ નીકળ્યું "પરમ"
આ "પાગલ"ને મોહ રહ્યો તેથી બારીકનો
ગોરધનભાઈ વેગડ (પરમપાગલ)
No comments:
Post a Comment