*જિંદગી *
કાં! સતાવે મને જિંદગી,
કાં! હરાવે મને જિંદગી.
આગ ચાંપી ઘણાં તાપશે,
કાં! ધખાવે મને જિંદગી.
ખેલ થોડાં રમાડી જુઓ,
કાં!,નચાવે મને જિંદગી.
દુઃખ આપી ઘણાં કાંધ પર,
કાં! નમાવે મને જિંદગી
મોત મળતું પળે પળ અહીં,
કાં! ડરાવે મને જિંદગી .
સ્નેહનો તાંતણો બાંધવા,
ના,મનાવે મને જિંદગી.
આંખમાં આંસુ ભર્યા હરિ,
ના,હસાવે મને જિંદગી.
આપશે એ મને ઘાવ પણ,
ના,અપાવે મને જિંદગી.
જો, 'ફિઝા' હોય તો પણ અહીં,
ના,સજાવે મને જિંદગી.
કાજલ કાંજિયા 'ફિઝા'
No comments:
Post a Comment