થાય છે જોઇને તને કે , જાણે જોયા જ કરુંં ,
આંખોના દરિયામાં તારા , આમ ડૂબ્યા જ કરું .
કેવો મળ્યો છે , સરસ મજાનો પ્રેમ મને તારો ,
કાફી છે , મળ્યો છે જે ખજાનો ચાહતનો તારો ,
બાકીનું છે બધું તે પછી , ભલેને ખોયા જ કરુંં .
આંખોનાં દરિયામાં તારા , આમ ડૂબ્યા જ કરું .
લપાઓ છો કેવાં તમે , રોજ બાથમાં અમારી ,
જાય છે દિવસો પણ કેવા , સરસ સાથમાં તમારી ,
જૂનું કરીને યાદ પછી , શા માટે રોયા જ કરું .
આંખોનાં દરિયામાં તારા , આમ ડૂબ્યા જ કરુંં
મળ્યો છે પ્રેમ તમારો ને મળી છે ખુશીઓ કેવી ,
રોજ આમ જ લહેરાતા તમારા પાલવ જેવી ,
હવે તો લગાડીને ગળે એને , આમ ફર્યા જ કરુંં .
આંખોના દરિયામાં તારા , આમ ડૂબ્યા જ કરું .
જોઇ છે ઘણી વાટ , ત્યારે મળ્યું છે આ ટાણું ,
લાગે છે સ્વપ્ન સરીખું , 'જશ' મિલન આ આપણું ,
છોડી બધું , મીઠાં સ્વપ્નોમાં રોજ આમ સર્યા જ કરુંં .
આંખોના દરિયામાં તારા , આમ ડૂબ્યા જ કરુંં .
થાય છે જોઇને તને કે , જાણે જોયા જ કરુંં ,
આંખોના દરિયામાં તારા , આમ ડૂબ્યા જ કરુંં .
જશુ પટેલ
૨૮-૦૨-૨૦૧૭
યુ.એસ.એ.
No comments:
Post a Comment