ડેલી ની કરડાતી અવાજ
સાથે સૉકળ ની
ખડ-ખડ થતી અવાજ..
સુંદર, સ્વચ્છ ફળિયું
ફળિયા માં પડેલ
ખાટલો નેં ખુણે
થતા ઘમ્મર છાસ
ના વલોણા...
ભામ્ભરતી ભેંસો ને...
વૃક્ષ પર બેઠેલી
કોયલ નું મીઠુ
સંગીત... ફળિયા ની
ઓસરી મા કિચુંડ-કિચુંડ
કરતી હીંચકા ની અવાજ... હીંચકે હીચકતા
વૃદ્ધ દંપતી ની
આંખો નોઁ. તારો....
ઓરડા ની અંદર
રહેલી, ઘૂમટૉ તાણી
હાથ મા સિંદૂર ની
ડબ્બી લઇ.... મીઠુ મલકતી
જીવતર મા રહેલી...
અધુરી ઇચ્છા ઓ ના...
શમણાં...
અચાનક સુસવાટા ...
સાથે..... તુફાની આંધી
દરવાજા ના
એક જોરદાર
ધકકે....
નંદવાયેલી કાંચ ની
ચુંડીંયો ને ...હાથ મા
રહેલ સિંદુર....
ઓરડા મા.... ચારે કોર
વેરણ-છેરણ...
ડેલી એ ઉભેલો
નોઁ .. જવાન...
શહીદ થયેલા
મિત્ર નો સંદેશ...
પાંપણ ની જાલર
પર થી સરી પડેલ
અશ્રુ ઓ નો છવાયેલો....
........ધોધ....અને....
ચોમેર સન્નાટો....
:-મનિષા હાથી
હસ્તમેળાપ🌙......
સોનેરી સાંજ ને .... અવસર રુડો
વસંત ઋતુ ની
ખિલેલિ સંધ્યા...
આથમતા રવિ નો
અદ્દભૂત નજારો
સફેદ પાનેતર મા..
સજ઼ેલ વાદળો
ને કેસરિયા રંગ ની
ચૂંદડી...
સરતાજ પહેરી ને
ઉભી પર્વતો ની
હારમાળા...
ખળ-ખળ વહેતી
નદી જાણે
લગ્ન મંડપ મા
વાગતી શરણાઇ
ઘૂઘવતા દરિયા જાણે
મૃદંગ-પખાવજ નો નાદ
વટ-વૃક્ષ મહી
બિરાજમાન પક્ષી ઓ
નો.....કલરવ
જાણે...
લગ્ન ગીતો ની જામેલી
મહેફિલ...
ગાયો ના પાછા
ફરતા ધણ ને
ગૌધુલિ વેલા નો સમય
......મંદિરો મા વાગી
રહેલા શંખનાદ ને
ઘંટારવ નો સાથ
અદ્દભૂત સર્જાયું
અલૌકિક વાતાવરણ...
દિવસ ને રાત ના
સ્નેહમિલન ની
છે.... આ ....વાત..
આ તો. છે બન્ને ના
હસ્તમેળાપ ની વાત....
......✍🏽:-મનિષા હાથી
No comments:
Post a Comment