ગીત

અછાંદસ /મેઘરાજસિંહ પરમાર

આંસુ મહીં ક્યાંક થઈ રહી મોઘમ મીનાકારી
શિલ્પો બની ક્યાંક ઢળી રહી યાદોની બેકરારી
જખ્મો પર જાણે ચાલી રહી કોઈ મીઠી કટારી
આંસુ મહીં ક્યાંક થઈ રહી મોઘમ મીનાકારી

ફૂલો બની મ્હેંકી રહી હવાઓ અેના શ્વાસની
ઘેરી બેઠી ઉદાસી ચાંદને આકાશની
મરુ બની તરસી રહી મ્હેલોની અટારી
આંસુ મહીં ક્યાંક થઈ રહી મોઘમ મીનાકારી

પલકો તળે ક્યાંક કૂદી રહ્યા સાદના દરિયા
મેહુલિયાને યાચતા ક્યાંક સાદ ખૂટે છે ઓ મોરલિયા!
ભૂલો બની કોઈ કાને કબૂલાઈ જાઉં મારી
આંસુ મહીં ક્યાંક થઈ રહી મોઘમ મીનાકારી.....