એક ગઝલ....અર્પણ તખતાને ...
….પડદો પડી ગયો ...
જાગી ઊઠ્યાં ને જાત પર પડદો પડી ગયો
કાલે જીવ્યાની વાત પર પડદો પડી ગયો !
પડદો હાલ્યો ને ભીંત પરનું ચિત્ર સળવળ્યું ...
પડદાની એક નિરાંત પર પડદો પડી ગયો !
પરદાનશીન થૈ ગયો મારી સમક્ષ હું ય
મારી બધી મિરાત પર પડદો પડી ગયો !
પડદો ખૂલ્યો ને ગૃહમાં અંધારું થૈ ગયું
પ્રત્યેક જણની જાત પર પડદો પડી ગયો !
પડદો પડ્યો ને ગૃહમાં અજવાળું થૈ ગયું
ખુરશીની કાયનાત પર પડદો પડી ગયો !
સૂરજ ઊગ્યો ને પાત્ર સૌ સન્મુખ થૈ ગયાં...
પડદો પડ્યાં-શી રાત પર પડદો પડી ગયો !
રીહર્સલોની જેમ ના ઘટના કશી બની
નાટકની એક વિસાત પર પડદો પડી ગયો !
........લલિત ત્રિવેદી
....અંદર-બહાર એકાકારમાંથી
No comments:
Post a Comment