એક પંખી ડાળ પર બેસીને લીલું ગાય છે
કે, પછી એના જ ટહુકા ખીણમાં પડઘાય છે.
એક ઘટના આંગણામાં આજ તાજી થાય છે.
જીંદગીની પાનખરમાં આંખડી ભીંજાય છે!
જ્યારથી મેં સાંભળી છે પાંદડાંની વાતને
એક પંખી ત્યારથી ભીતરમાં ઉડતું જાય છે
સ્વપ્નમાં સૂરજ ઉગીને આથમે છે જે ક્ષણે,
રાત આખી જાગવાનું એજ કારણ થાય છે.
કોઈ તારા નામનો અક્ષર હથેળીમાં લખે,
ને પછી એ રંગ મહેદીનો બધે ફેલાય છે
Bharat prajapati Adish
No comments:
Post a Comment