ગઝલ

*બહરે હઝજ મકબૂઝ મુસમન*

🌺🌺 *નઝમ*🌺🌺

હયાત છે એ વાતને ખરી કરી બતાવ તું,
યુગે યુગે કાં આવતો ?પળે પળે રે આવતું.

કળી નથી શક્યો હજી, આ માનવી છે બેખબર,
હાં જોજનો તું દૂર છે ને આસપાસ સાવ તું.

ફરી વળ્યાં છે ચોતરફ ઉદાસ યાદના વમળ ,
ફરી મને ફરી વળી ,વળી ફરી હસાવ તું.

ઝબક ઝબક જો થાય છે આ દીવડો રે શ્વાસનો,
હવા કરીને તેજ,ના હવે ઘણું સતાવ તું.

ન આવડે તરણ મને, ને નાવ આજ ડગમગે,
ઉતાર પાર નાવને અહીંથી લે ચલાવ તું.

     
         🖋કવિ-જુગલ દરજી
                 *'માસ્તર'*