*તાજાકલમ માં એ જ કે*.......
ધાર કે દરિયો નદી બાજુ વળે છે,
પણ નદી તો ચિતરેલી નીકળે છે.
ધાર કે પીડા બરફનો ટુકડો છે,
ને ગઝલના જામ વચ્ચે ઓગળે છે.
ધાર કે આખી સભા છે આંધળાની,
ફક્ત પાસા અટકળોના ઉછળે છે.
ધાર કે બીનવારસી છે લાશ જાણે,
સ્વપ્ન આંખોના મસાણોમાં બળે છે.
ધાર કે આ સ્મિતનુ દર્પણ ધરી સાૈ,
એકબીજાના ડૂમાઓને છળે છે.
ધાર કે તું જિંદગીને પ્રેમ કર,-ને
મોત અણધાર્યું તને આવી મળે છે.
હર્ષા. દવે.
39/3/17
No comments:
Post a Comment