દોહા

*દોહા-સપ્તક*

મુગટ  શોભે  મોરપીંછ,  હોય  મોરલી હાથ  ||
શ્યામ વર્ણનાં શ્યામળા, સખી ગોપ  સંગાથ ||૧||

રમતાં  વનમાં  રાસને,   ધમાલ  બંસી  ધૂન  ||
તલ્લીન  ગોપી   તાનમાં,   સૂર  વહેતાં  સૂન ||૨||

કાન્હા  નાના  કાળિયા,  જંગલમાં  એ જાય ||
સખા  રાખતાં  સંગમાં,   ગોકુળ  ચારે  ગાય ||૩||

વિષ  ફેલાવે  વિષફણી,  નાગ  કાલિયા નામ ||
ન  જાય  કો' યમના નદી,  દેવા  જીવન દામ ||૪||

નાંખી    પડતું    નીરમાં,   લલકારીને   લાલ ||
ભીડી  બાથ  ભૂજામાં,   ખેંચી   નાંખે  ખાલ ||૫||

બંધુ  સંગ  બલરામનાં,  ધસતાં  કરવા ધ્વંસ ||
મથુરા   ગામ   મોસાળે,   કચડે   મામા  કંસ ||૬||

જન્મયાં થૈ લક્ષ્મણ જે, બન્યાં મોટા બલરામ||
ભવનું  તો  શું  ભાખવું,  સેવક  થઈને  શ્યામ||૭||

*- ભાવિન દેસાઈ 'અકલ્પિત'*