એ જ ઈચ્છા એક ક્ષણ આપો મને !
હો મુસીબત એક હલ આપો મને !
ચાહું સૌને એક હક આપો મને !
ત્યાં સમજને એક હદ આપો મને !
એક તો સાલસ હ્રદય, એમાં ય તું !
સહેજ ભીતર એક ઘર આપો મને !
કેટલા મોહાંધ આ સગપણ અહીં,
માપસરનું એક મન આપો મને !
છે ભવાઈ રોજની માણસ થઈ,
રોટલા પર એક દળ આપો મને !
ના કશું યે હાથ લાગ્યું આખરે,
મારું થાએ એક જણ આપો મને !
મોરપીંછું, વાંસળી ને ગોપિકા,
એમ વ્યાપી એક લત આપો મને !
Dt : 30/5/2017 નિશિ સિંહ
No comments:
Post a Comment