જિંદગીની મજા
આ વૃક્ષો, આ વાતાવરણ ની પણ એક મજા હોય છે
કોણે કહ્યું કે જિંદગી એક સજા હોય છે
કોઈક વાર ખુલ્લા આકાશ નીચે ઊભા તો રહો
તારલાઓ અને ચંદ્રની પણ વિવિધ કળા હોય છે
જંગલમાં જઈને જુઓ તો પ્રાણીઓ વિવિધ મળે
નદીકિનારે પતંગિયા ઘણાં હોય છે
રણમાં ચારેકોર રવિ જ દેખાય છે
મૃગજળ તણી પાણીની ભ્રમણા હોય છે
જીવનના રસ્તે મળે છે લોકો અનેક
મદદ કરતા માણસો પ્રભુ તણા હોય છે
સુખ આપવાથી સુખ મળે, દુઃખ આપવાથી દુઃખ મળે
પ્રભુ પાસેથી મળતા પ્રતિસાદ હંમેશા બમણા હોય છે
-ઉપાધ્યાય જીજ્ઞા
No comments:
Post a Comment