જો રે સખી ! આજ રૂડો અવસર આંગણિયે આવ્યો રે !
આભે ચમક્યો ચાંદલિયો રેશમી અંબરનું અંગ ઝળકે રે !
તાળી ઝાંઝર ઝાલર વાગે
નાચે નારી નાથને સંગે રે!
અધરે મધુરી વેણું વાગે
મોહન મોહિની રાસ રમાડે રે!
આભે ચમક્યો ચાંદલિયો રેશમી અંબરનું અંગ ઝળકે રે !
પીળું પીતાંબર રાધાને પેહરાવી
શ્યામે શ્યામલ સાડી ઓઢી રે !
નર મટી તે નારી બન્યો
એણે લિંગ ભેદ સૌ તોડ્યા રે !
આભે ચમક્યો ચાંદલિયો રેશમી અંબરનું અંગ ઝળકે રે !
મધરાતે આ સ્વપ્ન સંચરે
તનમન ઝબકી ઝબકી જાગે રે !
સકલ અસ્તિત્વ લોલ વિલોલ
અભિલાષી મન તૃપ્ત થાય રે !
જો રે સખી ! આજ રૂડો અવસર આંગણિયે આવ્યો રે !
આભે ચમક્યો ચાંદલિયો રેશમી અંબરનું અંગ ઝળકે રે !
અસ્મિતા
No comments:
Post a Comment