હાલરડું....
નાનો નાનો કાનો મારો હાલી કરી જાય,
મીઠા મીઠા સપના એની આંખોમાં સમાય.
નાની નાની પરીઓથી આંગણ સોહાય,
રમવાને આવી મારા વાલૂડાંની ફાય,
હળવે હળવે નિંદર રાણી આંખોંમાં સમાય.
નાનો નાનો કાનો મારો...
ચાંદા મામા આવી તારી હથેળીમાં માય,
ટમટમ કરતા તારાં મીઠા ગીતો રે ગાય,
ઝગમગ ઝગમગ આગિયાની વેણી રે બંધાય.
નાનો નાનો કાનો મારો...
પતંગિયાની પાંખે બેસી ઝાકળ વીણવા જાય,
ફૂલે ફૂલે ભમરા સાથે સંતાકૂકડી થાય,
ખોબે ખોબે ફોરમ બાગે વેરતોરે જાય.
નાનો નાનો કાનો મારો
હાર્દિક પંડ્યા 'હાર્દ'
No comments:
Post a Comment