ગઝલ

= Happy Daughter's Day =
નદી જેવી નદીને દીકરી થઇને ભટકવું પડે છે
પિતા પર્વત સમો નક્કર છે તોયે કેમ રડવું પડે છે        
      
સદા આકાશ તારાઓ થકી ચમકે અહી રોજ રાતે
અચાનક એક તારાને અહીયાં રોજ ખરવું પડે છે

પિતાને માંની જ્યારે યાદ આવે દીકરી માં બને છે 
સવાયી માં બનીને દીકરીએ વ્હાલ ધરવું પડે છે        

ઉગે છે ફૂલ જાજેરા કુટુંબોના બગીચે જગતમાં
પુત્રી નામે ફૂલોને રોજ મધ્યાને જ ખરવું પડે છે

પિતાને જિંદગી-ભર ખાલિપો તો દીકરીનો રહે છે
વિદા ટાણે કઠણ એ કાળજાને ડૂસકૂ ભરવું પડે છે

આ દુનિયામાં બધા માંતાના ગુણ ગાતા રહે છે હમેશાં
છતા માતાં થવા પ્હેલાં પુત્રી થઇને જનમવું પડે છે      
- નરેશ કે. ડૉડીયા