ગીત / જોગી જસદણવાળા
દેખો એક અપૂરવ ખેલા !
બંધ બારીઓ ખોલી નાખો, ખોલી દ્યો ભીતરના ડેલાં...
ડુંગરિયેથી દડતો આવી સાદ ગેબનો અગમ ટકોરા મારે,
કાચી સમજણ ભેદ ન પામે, બની અવાચક બેઠાં બારે.
સાવ મૂરખના મનમાં ક્યાંથી ઉતરે આવા રેલાં ?
દેખો એક અપૂરવ ખેલા !
ભોગળ ભેદી, આસન વાળી નાદ મને સંબોધે, જનમ પછીથી ગૂમ થયો છે એ જોગીને શોધે.
ભરચક ભીડ વચાળે ભાઈ ! ખુદ કો પાઉં અકેલા...
દેખો એક અપૂરવ ખેલા !
જોવા કે જાણ્યાનો મતલબ વીંટાશે નહીં ધાગે,
આંખ ભલેને રહી વાંઝણી, અંદર ઝણ ઝણ વાગે.
અમે અમારા કાન ફૂંકીએ, અમે અમારા ચેલાં...
દેખો એક અપૂરવ ખેલા !
જોગી જસદણવાળા
Sidha bhai ki wall se
No comments:
Post a Comment