જવાની
વહેતી હવા પણ ગુલાબી થવાની,
હવે જિંદગી પણ સુગંધી થવાની.
જગતમાં ભળી છે નિતરતી જવાની,
અસર તો બધે ફક્ત એની થવાની.
ફરી આજ ઘાયલ આ દુનિયા થવાની,
અસર ના દવા કે દુઆની થવાની.
મળી જાય થોડો આ દિલને દિલાસો,
હવે રાત સઘળી નશીલી થવાની.
મિલાવે નજર જો એ મારી નજરથી,
કસમ છે ખુદાની દિવાની થવાની.
ઘડી હોય અંતિમ ભલેને જવાની,
મને આશ એવી એ મારી થવાની.
નથી ફક્ત મારા જ દિલની કહાની,
ખબર છે મને આ તમારી થવાની.
- સંજય બાપોદરિયા 'સંગી'
મોરબી
No comments:
Post a Comment