અછાંદસ

હસતું રમતું આ સ્મિત લખું છું
સાથમાં બે ચાર આંસુ લખું છું.
આગમનની તીવ્ર પ્રતિક્ષા વચ્ચે
બારણે પડતી એક ટકોર લખું છું.
રાહ જોવામાં દમ હોવો ઘટે
માટે અપલક આંખે શમણું લખું છું.
ચારો તરફ દિવાલો ચણાતી લાગે
અંદર હવે ખુલ્લું મેદાન લખુ છું.
ઉગી નીકળે ભીનાશ પથ્થર ધરાતલે
આજ એવું અનરાધાર ચોમાસું લખું છું.
ભારેખમ જીંદગીને હળવીફૂલ કરું છું
ને માટે જ "નીલ " સમયે સમયે કવિતા લખું છું.

રચના: નિલેશ બગથરિયા
               "નીલ "